Հանրապետության նախագահի մասին

 

Արմեն Սարգսյանը Հայաստանի Հանրապետության չորրորդ նախագահն է:

Նա մասնագիտությամբ ֆիզիկոս է, ֆիզիկամաթեմատիկական գիտությունների թեկնածու:

Նախքան Նախագահ ընտրվելը նա Միացյալ Թագավորությունում Հայաստանի Հանրապետության դեսպանն էր:

Արմեն Սարգսյանը դարձել է Հայաստանի Հանրապետության նախագահը 2018թ.-ի ապրիլի 9-ից:

Մեր Նախագահի կինը Նունե Սարգսյանն է, նրանք ունեն 2 որդի և 3 թոռնիկ:

Լուսանկարներ

Փաստեր Նախագահի կյանքից

Իսկ դուք գիտե՞ք, որ...
Արմեն Սարգսյանն իր կյանքի ընթացքում եղել է ավելի քան 100 երկրներում:
1996-97թթ. Արմեն Սարգսյանը եղել է Հայաստանի Հանրապետության վարչապետը:
Դասավանդել է Ռուսաստանի, Գերմանիայի, ԱՄՆ-ի, Հունաստանի, Իտալիայի, Միացյալ Թագավորության և այլ երկրների գիտական հաստատություններում ու համալսարաններում:
Նախագահի կինը՝ Նունե Սարգսյանը, մանկական հեքիաթների հեղինակ է:
Արմեն Սարգսյանը հայտնի Tetris-Wordtris համակարգչային խաղի համահեղինակն է:
Նախագահը լավ է սովորել ինչպես դպրոցում, այնպես էլ՝ համալսարանում:
Արմեն Սարգսյանը հայտնի է իր կենդանասեր լինելով: Նրանց ընտանիքում ապրում է անգլիական բուլդոգ Քոլոն:
Նախագահը սպորտի մեծ երկրպագու է: Խաղում է մեծ թենիս:
Նախագահը սիրում է ֆուտբոլ:

Ով կարող է լինել Նախագահ

 

Հաշվի առնելով խորհրդարանական կառավարման համակարգով պետությունում նախագահի դերի կարևորությունը՝ ընդունված է, որ նախագահ դառնալու համար պետք է համապատասխանել հատուկ չափանիշների: Այդ չափանիշները սահմանվում են երկրի մայր օրենքով՝ Սահմանադրությամբ:


Օրինակ՝


Հայաստանի Հանրապետությունում նույն անձը Հանրապետության նախագահ կարող է ընտրվել միայն մեկ անգամ, և Նախագահ դառնալուն պես նա չի կարող կատարել այլ վճարվող աշխատանքներ: Սահմանադրությամբ Նախագահի նկատմամբ սահմանվում են նաև այլ պահանջներ։

Նախագահ կարող է ընտրվել Հայաստանի Հանրապետության այն քաղաքացին, ով՝
 
40 տարեկան է կամ 40-ից մեծ
Վերջին վեց տարում միայն ՀՀ քաղաքացի է եղել և ապրել է Հայաստանում
Նախագահի ընտրության կարգը՝
 
Ընտրվում է 7 տարի ժամկետով Ազգային Ժողովի կողմից
Կարող է ընտրվել միայն մեկ անգամ
Չի կարող կատարել այլ վճարովի աշխատանք
Չի կարող լինել որևէ կուսակցության ադամ