Նստավայրի նկարագրությունը

 

Հայաստանի Հանրապետության նախագահի նստավայրը գտնվում է Բաղրամյան պողոտայի վրա: Այն նախագծվել է 1951 թվականին ճարտարապետ Մարկ Գրիգորյանի կողմից:

 

Շենքի արտաքին պատերը կառուցված են դեղնավուն տուֆով:

 

1992 թվականից շենքը ծառայում է որպես Հայաստանի Հանրապետության նախագահի նստավայր:

Եռաչափ շրջայց շենքի ներսում

 

Առաջին հարկը և երրորդ հարկի մի հատվածը նախատեսված են ընդունելությունների համար։ Շենքի մնացած հատվածում իր աշխատանքն է իրականացնում Հանրապետության նախագահի աշխատակազմը և «Հայաստան» համահայկական հիմնադրամը:

Հիմնական մուտք
Կլոր դահլիճ
Մեծ դահլիճ
Կանաչ դահլիճ
Հանդիպումների դահլիճ
Ոսկե դահլիճ
Կապույտ դահլիճ
Միջանցք
Ընդունարան
Նախասրահ
Խորհրդակցությունների դահլիճ
Նախագահի աշխատասենյակ

Նստավայրի վարչական շենքի հարակից տարածքը բաց է այցելուների համար

 

2018 թվականի սեպտեմբերի 21-ից Հայաստանի Հանրապետության նախագահի նստավայրի դարպասները բացվել են այցելուների համար, որոնք կարող են զբոսնել նստավայրին կից ընդարձակ և գեղեցիկ այգում և տեսնել Հանրապետության նախագահի պատվո պահակախմբի հերթափոխման ժամանակ ցուցադրվող վարժությունները:

Պատվո պահակախմբի հանդիսավոր հերթափոխ